Beynəlxalq əməkdaşlıq

     ADNSU-nun Beynəlxalq Əməkdaşlıq Şöbəsi 2015-ci ilin oktyabrında fəaliyyətə başlayıb. Şöbə Beynəlxalq Əlaqələr üzrə prorektora tabe olmaqla unversitetin mövcud beynəlxalq əlaqələrinin inkişaf etdirilməsi və yeni əlaqələrin qurulması vəzifəsini icra edir.  

 

 XIDMƏTLƏR

 

     Hazırda BƏŞ-in qarşısında qoyduğu əsas məqsəd ADNSU-da təhsilin beynəlxalq standartlara uyğunlaşdırılması üçün zəruri olan beynəlxalq əməkdaşlıqların qurulmasını təmin etmək və beynəlxalq praktikanın universitetdə tətbiq edilməsinə dəstək olmaqdır.

 

Fəaliyyət istiqamətlərinə daxildir:

 

     1.BƏŞ tez bir zamanda Alman Akademik Mübadilə Xidməti, ABŞ səfirliyi və Britiş Konsul ilə görüşlər keçirib və əməkdaşlığın inkişaf etdirilməsi istiqamətində müəyyən addımlar atıb. Hazırda ADNSU-da ingilis dili dərslərinin keyfiyyətinin yaxşılaşdırılmasında peşəkar dəstəyin alınması üçün Britiş Konsul təşkilatı ilə danışıqlar davam edir. ADNSU-nun rektoru professor Mustafa Babanlının xüsusi təşəbbüsü sayəsində öz ofisini ADNSU-ya köçürməyə qərar verən Alman Akademik Mübadilə Xidmətinin yerləşməsi ilə bağlı məsələlər də BƏŞ tərəfindən koordinasiya edilib.

     2.Şöbə tələbə mübadiləsinin həyata keçirilməsi ilə bağlı bir neçə xarici universitetlə müqavilə bağlayıb, ADNSU-nun iki tələbəsinin Türkiyənin Orta Doğu Texniki Universitetinə göndərilməsinə nail olub. Universitetin tələbələri “Erasmus+” Beynəlxalq Kredit Mobilliyi proqramı çərçivəsində Ankarada bir semestr təhsil alıb. Daha iki tələbə isə fevral ayından etibarən Fransanın Ren Ali Kimya məktəbində təhsillərini davam etdirmək imkanı əldə edib.

     3.Bunlarla yanaşı, BƏŞ 7 beynəlxalq qrant layihəsinə müraciət edilməsində universitetin inkişafını təmin edib. Bu layihələr əsasən yeni magistr istiqamətlərinin təşkil olunması, mövcud ixtisaslarda kurrikulumun təkmilləşdirilməsi, innovativ ekosistem yaradılmasını və s. əhatə edir.  

     4.BƏŞ yeni yaradılmış Fransız-Azərbaycan Universiteti (UFAZ) layihəsində yaxından iştirak edib.

Şöbə həmçinin ölkə daxilndə universitetlər arasında əlaqələrin inkişaf etdirilməsi üçün əməkdaşlıq qurur, elmi mübadilə aparılması üçün zəmin yaradır. Regionlarda yerləşən ali məktəblərlə tələbə mübadiləsinə start verilməsi ADNSU təhsilinin və təcrübəsinin ötürülməsinə xidmət edir. Azərbaycan Texnologiya Universiteti ilə imzalanmış mübadilə müqaviləsi əsasında universitetin iki tələbəsi növbəti semestri ADNSU-da davam etdirəcək. 

     5.Şöbənin ötən bir il ərzindəki fəaliyyəti bir neçə beynəlxalq tədbirlə daha yaddaqalan olub. Belə ki, BƏŞ 16 dekabr 2015-ci il tarixində Erasmus + Milli Ofisinin təşəbbüsü əsasında Erasmus Məlumat gününün keçirilməsini təşkil edib. Tədbirdə 30-dək institut və təşkilatdan 100-ə yaxın nümayəndə iştirak edib.

     6.Birbaşa BƏŞ-in təşəbbüsü və təşkilatçılığı ilə universitetdə təhsil alan əcnəbi tələbələrin iştirakı ilə 19 dekabrda keçirilən Birinci Beynəlxalq Tələbə Festivalı isə universitet tarixində bir ilk olub. Birinci Beynəlxalq Tələbə Festivalında 15 ölkənin diplomatik nümayəndəliyi təmsil olunub, 12 ölkədən tələbələr müxtəlif çıxışlarla ölkələrinin mədəniyyətini nümayiş etdirib.

     7.BƏŞ tələbələrlə sıx ünsiyyət qurur, facebook səhifəsi vasitəsilə onları müxtəlif proqramlar haqqında məlumatlandırır, onlayn sorğular vasitəsilə tələbələrin fikirlərini öyrənir, onların təşəbbüslərini dəstəkləyir. Əcnəbi tələbələrin təşəbbüsü ilə Beynəlxalq Tələbə Mərkəzinin yaradılması, əcnəbi və yerli tələbələrin iştirakı ilə tələbələrin asudə vaxtlarında xarici dil dərslərinin təşkil olunması buna bariz nümunədir.

 

For more information about ASOIU Summer School, please click here

 

Planlar:

 

    -Beynəlxalq mübadilə müqavilələrinin sayının artırılması və daha çox tələbənin və akademik heyətin mübadilə proqramlarında iştirakının təmin               edilməsi

    -Əcnəbi tələbələrin qəbul mexanizminin təkmilləşdirilməsi və onlayn müraciət formasının tətbiqi

    -Beynəlxalq qrant layihələrinə müraciət edilməsi

    -Ikitərəfli müqavilələr əsasında birgə elmi layihələrin həyata keçirilməsinin təşkil edilməsi

    -Beynəlxalq təşkilatlara üzvlüyün genişləndirilməsi

    -Universitetinin  beynəlxalq reytinq cədvəllərində qeydiyyata alınması

    -Universitetin beynəlxalq əlaqələrinin inkişafına xidmət edən beynəlxalq konfransların təşkili

 

 

ŞÖBƏ ƏMƏKDAŞLARI:

 

Şöbə müdiri:Cəmilə İsmayılzadə

 

 

Layihələr üzrə koordinatorlar
Nərmin Həmidli
Leyla  Nağıyeva
Tural Qocayev

 

ƏLAQƏ

 

Tel: (012)4933368

Facebook:  https://www.facebook.com/asoiuinternational/