ADNSU tələbələri üçün seminar-təlim keçirilib

Martın 16-da Azərbaycan Dövlət Neft və Sənaye Universitetində (ADNSU) Focus Group şirkətinin müətəxəssisi, klinik psixoloq Fidan Cəbrayılova tələbələr üçün seminar-təlim keçib.

Görüşün təşkilatçısı ADNSU-nun Məzun-Karyera Mərkəzinin mütəxəssisi Aytac Məlikova təlim iştirakçilarını salamlayaraq tələbələrə görüş haqqında məlumat verib. Focus Group şirkətinin təsisçisi Ülviyyə Hümmətova şirkət haqqında qısa məlumat verdikdən sonra seminarın məqsədi, tələbələr üçün əhəmiyyəti haqqında danışıb.

Klinik Psixoloq Fidan Cəbrayılova Özgüvən nədir? Bizə nə üçün lazımdır? Özgüvən necə formalaşır? Özgüvənin inkişafına təsir edən faktorlar; Özgüvən konsepsiyasına müxtəlif baxışlar; Aşağı özgüvən bizi necə geridə qoyur? Özümüzə güvənməyi necə öyrənək kimi mövzularla bağlı ətraflı məlumat verib. Tələbələr üçün də maraqlı olan mövzu diskussiyalarla davam edib. Sonda qeyd olunan istiqamətlər üzrə tələbələrin sualları cavablandırılıb.