İNNAB Karyera Mərkəzinin mütəxəssisləri ADNSU tələbələrinə təlim keçiblər

Aprelin 7-də Azərbaycan Dövlət Neft və Sənaye Universitetində (ADNSU) tələbələr üçün İNNAB Karyera Mərkəzinin mütəxəssisləri tərəfindən təlim keçirilib.

Görüşün təşkilatçısı ADNSU-nun Məzun-Karyera Mərkəzinin mütəxəssisi Aytac Məlikova iştirakçıları salamlayaraq tələbələrə görüş haqqında məlumat verib. Sonra İNNAB Karyera Mərkəzinin rəhbəri Vüsalə Hüseynova karyera planlaması ilə bağlı tələbələrə geniş məlumat verib. O bildirib ki, bilik və bacarığın artırılması ilə yanaşı, hər bir gənc, hər bir tələbə gələcək karyeraları ilə bağlı plan qurmalı, konkret inkişaf hədəfi müəyyən etməlidirlər.
İNNAB Karyera Mərkəzinin mütəxəssisləri Nihal Hüseynova və Tunar Süleymanlı isə çıxışlarında müasir texnologiyalardan yüksək istifadə etmə bacarığından, uğur formulu üçün hər kəsin sevdiyi peşə ilə məşqul olmasının vacibliyindən danışıblar.

Tələbələrlə mütəxəssislər arasında maraqlı diskussiya ilə keçən görüşdə bu və ya digər mövzularla bağlı tələbələrin sualları cavablandırılıb.