Haqqımızda

Azərbaycan Dövlət Neft və Sənaye Universitetinin (ADNSU) Tələbə Gənclər Təşkilatının tarixi 2005-ci ildən başlayır. Həmin dövrdən etibarən ali təhsil müəssisələrində gənclər və tələbələrlə işin təkmilləşdirilməsinə dair tədbirlər planının təsdiq edilməsi və hüquqi status almasından sonra bütün dövlət və qeyri-dövlət təhsil müəssisələrində tələbələrin sayından asılı olaraq tələbə-gənclər təşkilatlarının yaradılması başlanıb. ADNSU-nun Tələbə Gənclər Təşkilatı 2005-ci ildə Azərbaycan Dövlət Neft Akademiyası (ADNSU) Tələbə Gənclər Təşkilatı olaraq yaradılmış, 20 noyabr 2009-cu ildə “Azərbaycan Tələbə Gənclər Təşkilatları İttifaqı”nın təsis edilməsi ilə 105 dövlət və özəl ali məktəbinin Tələbə Gənclər Təşkilatları ilə birlikdə bu tərkibə qatılımışdır. Bununla da ADNSU tələbə gəncləri ATGTİ-nin həyata keçirdiyi dövlət əhəmiyyətli forum və tədbirlərdə, düşərgələrdə və partylərdə iştirak hüququ qazanmışdır.

ADNSU-da tələbə Tələbə Gənclər Təşkilatı tələbələrə öz sədrlərinə səs vermək imkanı verilən demokratik seçki prosesi vasitəsilə fəaliyyət göstərir. Bu proses tələbə heyətinin Tələbə Gənclər Təşkilatı daxilində əsas rəhbər vəzifələrdə çalışacaq nümayəndələrin seçilməsinə birbaşa təsir göstərməsini təmin edir. Seçilmiş rəhbərlik tələbə maraqlarının müdafiəsi, kampus fəaliyyətinin təşkili və bütün tələbələr üçün müsbət, inklüziv mühitin dəstəklənməsi üçün məsuliyyət daşıyır. Seçki prosesi şəffaf, ədalətli və bütün tələbələr üçün əlçatan olmaqla, tələbələrin iştirakı və universitet idarəçiliyində iştirak dəyərlərini gücləndirmək üçün nəzərdə tutulub.

Azərbaycan Dövlət Neft və Sənaye Universiteti Tələbə Gənclər Təşkilatının idarə heyəti sədr, 3 sədr müavini və 7 fakültə sədrindən ibarətdir.

Təşkilatın tərkibində ASOIU MUN, Mühəndislik, Conversation, Vətənpərvərlik, Mədəniyyət və İnnovasiya klubları mövcuddur. Bu klublarda gənclərin təmsilçilik, analitik düşüncə, tədqiqat və yazı kimi tələb olunan bacarıqlar əldə etməsi, dil biliklərinin artırılması, start-up hazırlamaq istəyən və yenilikçi gənclərin bir araya toplanılması və öz fəaliyyətlərin həyata keçirilməsi üçün geniş imkanlar yaradılıb.