Events

ADNSU-nun professor-müəllim heyətinə veriləcək əlavə maaşların hesablanması üçün sənədlərin qəbulu 15.12.2023-29.12.2023 tarixlərində aparılacaqdır. ADNSU rektoruna müvafiq ərizə ilə müraciətdən sonra tələb olunan digər sənədlərin qəbulu http://etam.asoiu.edu.az/ formu üzərindən aparılacaq. Təqdim olunmuş sənədlər “ADNSU-nun professor-müəllim heyətinə veriləcək əlavə maaşların hesablanması üçün təlimat (2023)” əsasında araşdırılacaq.

 Apelyasiya müraciətlərinə 8-12 Yanvar 2024-ci il tarixlərində baxılacaq və müsabiqə şərtlərini tam ödəyən əməkdaşların son siyahısı müəyyən ediləcəkdir. 

Bütün nəticələr Universitet Elmi Şurasının 2024-ci ilin yanvar ayında keçiriləcək iclasında təqdim ediləcək və Elmi Şura üzvləri tərəfindən təsdiq edildikdən sonra, rektorun müvafiq əmr imzalaması ilə 2024-ci ilin yanvar ayının 1-dən başlayaraq növbəti 12 ay ərzində əlavə maaşların ödənilməsi həyata keçiriləcəkdir.

Əlavə suallar ilə əlaqədar etam.asoiu@asoiu.edu.az və ya 3-27 daxili telefon xətti ilə əlaqə saxlamağınız xahiş olunur.