Xəbərlər

Azərbaycan Dövlət Neft və Sənaye Universitetinin (ADNSU) “Azneft” Şən və Hazırcavablar Klubu (ŞHK) komandası Rusiyanın Moskva şəhərində keçirilən Moskva və Moskva ətrafı Mərkəzi Liqasının festivalında iştirak edib.

7-10 mart tarixlərində keçirilən festivalda hər gün 2 oyun keçirilib. Oyunlarda 10-18 komanda iştirak edib. Festivalın sonunda ADNSU-nun “Azneft” ŞHK komandası 125 komanda arasından Beynəlxalq Tələbələr Liqasına vəsiqə qazanıb.

Xatırladaq ki, ADNSU-nun “Azneft” ŞHK komandası Azərbaycan Regional ŞHK liqasının 2016 və 2017-ci ilin ikiqat çempion tituluna layiq görülən və 5 oyun ərzində 7 kubok qazanan komanda kimi adını ŞHK tarixinə qızıl hərflərlə yazan yeganə komandadır. Komandamız Rusiya Federasiyasının Soçi şəhərində keçirilən “KİVİN-2018” XXIX Beynəlxalq ŞHK festivalında da müxtəlif ölkələrdən olan 654 komanda arasında uğurla çıxış edib.