Xəbərlər

Azərbaycan Dövlət Neft və Sənaye Universitetinin rektoru, professor Mustafa Babanlı Universitet Prezidentləri Beynəlxalq Assosiasiyasının (UPBA) Vyana konfransında iştirak etmək məqsədilə Avstriyada səfərdədir. 5-8 iyul tarixləri arasında təşkil olunan tədbirdə təşkilatın yeni rəhbərliyi müəyyən olunub. Bundan sonrakı 3 illik dövrdə UPBA-nın sədrliyi Qafqaz Universitetinin (Gürcüstan) rektoru Kaxa Şengeliya, baş katibliyi Yuxarı Avstriya Tətbiqi Elmlər Universitetinin (Avstriya) rektoru Gerald Rayzinger tərəfindən həyata keçiriləcək.

UPBA-nın inkişafının yeni dövründə Azərbaycan Dövlət Neft və Sənaye Universitetinin rektoru prof. M. Babanlıya qurumun regional koorinatorluğu, həmçinin 2018-ci ilin yazında qurum çərçivəsində Bakıda beynəlxalq konfransın keçirilməsi təklif edilib.

Avropa, Amerika, Asiya və Afrikadan 200-dən çox universitet rəhbərinin iştirak etdiyi tədbirdə M.Babanlı çoxsaylı görüşlər keçirib, bir sıra ali məktəblərlə ikitərəfli əməkdaşlıq məsələlərini müzakirə edib və bəziləri ilə konkret razılıqlara gəlinib.