Xəbərlər

Azərbaycan Dövlət Neft və Sənaye Universitetinin (ADNSU) Kimya texnologiya fakültəsinin (KTF) Qida mühəndisliyi ixtisası üzrə təhsil alan tələbələri Azərbaycan Qida Təhlükəsizliyi Agentliyinin (AQTA) Könüllülərə həsr olunmuş konfransında iştirak ediblər. AQTA-nın nəzdində fəaliyyət göstərən “Qida Təhlükəsizliyi Könüllüləri” təşəbbüs qrupunun təsis konfransında ADNSU-nun 25-dən çox tələbəsi, həmçinin müəllimlər iştirak ediblər. Qeyd edək ki, “Qida Təhlükəsizliyi Könüllüləri” təşəbbüs qrupuna üzvlərin cəlb edilməsi ilə bağlı isə AQTA-nın əməkdaşları tərəfindən 6 universitetin tələbələri ilə görüşlər təşkil olunub. Həyata keçirilən bu və digər tədbirlər nəticəsində təşəbbüs qrupuna qoşulmaq üçün 700-dən çox müraciət daxil olub. Müraciət edən 100-ə yaxın könüllü bütün mərhələlərdən uğurla keçib və onlar təşəbbüs qrupunun üzvləri kimi fəaliyyət göstərəcəklər.