News

Oktyabrın 30-da Azərbaycan Dövlət Neft və Sənaye Universitetində (ADNSU) Tələbələr üçün Mentorluq proqramı çərçivəsində "Yüksəliş" müsabiqəsi qalibləri ilə növbəti görüş keçirilib.

Görüşdə "Yüksəliş" müsabiqəsinin qalibləri – Şamxal Cəmilzadə və Güldənə Hidayətli iştirak ediblər. ADNSU-nun İƏMD-nin əməkdaşı Almaz Atakişibəyli proqram, o cümlədən görüşün məqsədi haqqında iştirakçılara məlumat verdikdən sonra söz qaliblərə verilib.

 Qonaqlar mentorluq proqramının üstünlükləri, gənclərin inkişaf imkanları, xüsusən də yumşaq bacarıqların inkişaf etdirilməsinin önəmindən, karyera qurmağın yollarından danışıblar, şəxsi təcrübələrini tələbələrlə bölüşüblər. 

Sonda proqrama qəbul qaydaları, seçim prosesindəki tələblər qeyd edilib və tələbələrin sualları cavablandırılıb.