News

Noyabrın 29-da Azərbaycan Dövlət Neft və Sənaye Universitetində (ADNSU) "Azercell" “Tələbə Təqaüdü Proqramı 2025”in təqdimatı keçirilib. 
Təqdimat mərasimində İnsan Kapitalının İdarə Edilməsi departamenti İstedadların İdarə Edilməsi və Biznes Partnyorluğu şöbəsinin rəhbəri Vüsalə Həsənova və həmin şöbənin kiçik mütəxəssisi Murad Məmmədzadə təqaüd proqramı haqqında ətraflı  məlumat veriblər. 
Şirkət haqqında məlumat verilib, təqaüd proqramının üstünlüklərindən danışılıb və proqram sayəsində gənclərin biliklərini artırmaqla yanaşı, müxtəlif təlimlərdə iştirak etmək, həmçinin şirkətdə təcrübə keçmək şansı da əldə edəcəkləri qeyd edilib. Proqramın əsas məqsədinin müvəffəqiyyətlə təhsil alan və fərqlənməyi bacaran tələbələrə qayğı göstərmək, təhsil aldıqları ixtisas üzrə peşəkar kimi formalaşmasını dəstəkləmək olduğu qeyd edilib. Son müraciət qaydaları və təqdim olunan sənədlər haqqında da tələbələrə ətraflı məlumat verilib.
Sonda tələbələri maraqlandıran suallar cavablandırılıb.