Oktyabrın 17-də Azərbaycan Dövlət Neft və Sənaye Universiettində (ADNSU) Beynəlxalq Avropa Komissiyasının qlobal Erasmus Günləri çərçivəsində Erasmus+ Məlumatlandırma sessiyası keçirilib.
Məlumatlandırma sessiyasında universitetin müxtəlif fakültələrindən olmaqla 250-dən çox tələbə iştirak edib. Məlumatlandırma sessiyasında təqdimatçı qismində universitetin Beynəlxalq Əməkdaşlıq Şöbəsinin əməkdaşı Elmar Quliyev, Erasmus+ Azərbaycan Milli Ofisinin direktoru Pərviz Bağırov, Avropa Həmrəylik Korpusu və Erasmus+ üzrə rəsmi məlumat mərkəzinin direktoru Ramiz Əliyev və Erasmus Tələbə Şəbəkəsi - Azərbaycan ictimai birliyinin nümayəndələri çıxış edib, proqram haqqında tələbələrə ətraflı məlumat veriblər.
Sessiya zamanı Erasmus+ proqramı, mübadilə proqramları və könüllülük proqramları barəsində tələbələrin sualları cavablandırılıb.