Aprelin 4-də Azərbaycan Dövlət Neft və Sənaye Universitetinin (ADNSU) Tələbə Həmkarlar İttifaqı Komitəsinin təşkilatçılığı ilə keçirilən Novruz turnirinə həsr olunmuş idman yarışlarının qaliblərinin mükafatlandırılması mərasimi keçirilib.
Oğlanlar və qızlar arasında voleybol, basketbol və futbol yarışlarının qalibləri sertifikat və kubokla mükafatlandırılıb. Tələbə Həmkarlar İttifaqı Komitəsinin sədri Namiq Gəncəyev qalibləri təbrik edib, onlara gələcək yarışlarda müvəffəqiyyətlər arzulayıb.