News

Aprelin 25-də Azərbaycan Dövlət Neft və Sənaye Universitetində (ADNSU) ali təhsil ocağının 105 illik yubileyi münasibətilə təşkil olunan “MacroFrontiers 2025: Makromolekullu Birləşmələr üzrə 3-cü Beynəlxalq Elmi Konfrans” uğurla yekunlaşıb.

İki gün davam edən tədbirdə makromolekullar sahəsində aparılan son elmi-tədqiqatlar müzakirə olunub, beynəlxalq əməkdaşlığın genişləndirilməsi, aktual elmi çağırışların və gələcək tədqiqat istiqamətlərinin müəyyənləşdirilməsi məsələləri gündəmə gətirilib.

Konfransın proqramına müxtəlif mövzularda bölmə iclasları daxil idi. “Üzvi sintezdə innovativ yanaşmalar”, “Makromolekullu birləşmələrin müasir sintez üsulları”, “Kompozit materialların hazırlanması və tətbiqi” və “Ətraf mühit və sağlam qida” kimi başlıqlar altında keçirilən iclaslarda tanınmış alim və mütəxəssislər məruzələrlə çıxış ediblər. Elmi təqdimatlar ətrafında geniş müzakirələr aparılıb, sahə üzrə gələcək perspektivlər dəyərləndirilib.

Konfransa Azərbaycanın müxtəlif universitet və elmi institutları ilə yanaşı, bir sıra xarici ölkələrdən də nümayəndələr qatılıb. Ümumilikdə tədbirə 307 elmi məqalə və 241 tezis təqdim olunub. Onlardan 27 məqalə və 49 tezis xarici ölkə alimlərinə məxsusdur.