Xəbərlər

Azərbaycan Dövlət Neft və Sənaye Universitetinin (ADNSU) Kitabxana İnformasiya Mərkəzi professor-müəllim heyətinə, tələbələrə və oxuculara dövri mətbuatın elektron kataloqu əsasında hazırlanmış beynəlxalq və yerli jurnalların elektron resurslarını təqdim edir.

Oxucular təqdim olunan jurnal resurslarından həm kataloq vasitəsilə, həm də online oxu rejimində istifadə edə biləcəklər. Bunun üçün kitabxananın elektron qeydiyyatından keçmək və sistemə giriş əldə etmək kifayətdir. Qeydiyyatdan keçmək üçün oxucular şəxsiyyət vəsiqəsi və tələbə bileti ilə kitabxanaya yaxınlaşmalıdırlar. Onlara istifadəçi adı və şifrə təqdim olunur və bununla da bazadan sərbəst istifadə etmək imkanı qazanırlar.

Beləliklə, istifadəçilər daha interaktiv və əlçatan tədris materiallarına çıxış əldə edəcəklər. Əsasən neft, neftin nəqli, maşınqayırma və avadanlıqlar, kimya və digər sahələri əhatə edən jurnallar Azərbaycan, rus və ingilis dillərində oxucuların istifadəsinə veriləcək.

Maraqlanan şəxslər əlavə məlumat üçün ADNSU Kitabxana İnformasiya Mərkəzinə və ya library@asoiu.edu.az ünvanına müraciət edə bilərlər.