Xəbərlər

Azərbaycan Dövlət Neft və Sənaye Universitetində İnnovasiya və Rəqəmsal İnkişaf Agentliyinin (İRİA) dəstəyi ilə “IDEALISE” İnkubasiya Proqramının növbəti təlimi baş tutub.

Təlim “Komandanın qurulması və inkişafı” mövzusuna həsr olunub və Azərbaycan Tibb Universitetinin dosenti, mentor Ayat Cəfərova tərəfindən keçirilib.

Sessiya zamanı iştirakçılara startap komandalarında rolların bölgüsü (CEO, CTO, CMO, CFO), motivasiya, əmək bölgüsü, işə götürmə və xarici xidmətlərdən istifadə (outsourcing) prinsipləri haqqında ətraflı məlumat verilib.

Təlimin sonunda tələbələr effektiv komanda formalaşdırmaq, liderlik bacarıqlarını tətbiq etmək və startap mühitində əməkdaşlıq mədəniyyətini gücləndirmək üzrə bilik və bacarıqlar əldə ediblər.