Azərbaycan Dövlət Neft və Sənaye Universitetinin (ADNSU) professor-müəllim, tələbə heyətinə və Kitabxana İnformasiya Mərkəzinin oxucularına “Clarivate Analytics" (“Web of Science”) platforması və platformanın elektron resurslarına giriş imkanları verilib. Dünyanın ən nüfuzlu məlumat bazalarından olan “Clarivate Analytics” (“Web of Science”) elmi istinad və indeksləşmə bazası olaraq, özündə müxtəlif sahələr üzrə yüksək keyfiyyətli elmi jurnalların, konfrans materiallarının və kitabların məlumatlarını toplayıb və oxuculara təqdim edir. Məlumat bazası müxtəlif təchizatçılar, nəşriyyatlar, platformaların açıq giriş rejimində mövcud olan yüzlərlə resurs paketini universitet üçün xüsusi məhdudiyyətlər olmadan indeksləşdirir. Bununla da tələbələr, müəllimlər və alimlər dünyanın nəhəng elmi informasiya mənbələri ilə işləmək imkanı əldə edəcəklər.
Web of Science Core Collection indeksində təxminən, 22 700 jurnal, 160 000-dən çox kitab indeksləşdirilib.
Web of Science eyni zamanda aşağıda göstərilən əhatə dairələri uzrə indeksləri özündə birləşdirir:
1. Science Citation Index Expanded (SCIE) – təbiət elmləri, mühəndislik, biotexnologiya və digər texniki elmlər;
2.Social Sciences Citation Index (SSCI) – sosial və ictimai elmlər, iqtisadiyyat, hüquq, təhsil;
3. Arts & Humanities Citation Index (AHCI) – humanitar elmlər, ədəbiyyat, tarix, fəlsəfə;
4. Emerging Sources Citation Index (ESCI) – yeni və inkişaf etməkdə olan jurnallar, qəzetlər;
5. Conference Proceedings Citation Index (CPCI) – elmi konfrans materialları və tezislər;
6. Book Citation Index (BKCI) – elmi kitablar və monoqrafiyalar, proqramlar (elm, sosial və humanitar sahələr);
7. Current Chemical Reactions (CCR) və İndex Chemicus IS)- kimya sahəsində reaksiyalar, yeni birləşmələr haqqında;
Clarivate Analytics” (“Web of Science”) platformasına Kitabxana İnformasiya Mərkəzinin Web səhifəsi üzərindən və həmcinin aşağıda verdiyimiz link vasitəsilə giriş etmək mümkündür:
https://www.webofscience.com/wos/woscc/basic-search
