Xəbərlər

Azərbaycan Dövlət Neft və Sənaye Universitetinin (ADNSU) Kitabxana İnformasiya Mərkəzində “12 Noyabr - Konstitusiya Günü” nə həsr olunmuş kitab sərgisi təşkil olunub. 

Sərgidə Konstitusiya hüququ, tarixi, Ulu Öndər Heydər Əliyev və Azərbaycan Respublikası Konstitusiyası və s. mövzularda, eləcə də dövlətçiliyimiz, dövlət atributlarımız və müstəqilliyimiz, suverenliyimiz haqqında Azərbaycan və xarici dillərdə nəşr olunmuş 25-dən  çox  kitab və dövri mətbuat materialları sərgilənib.

Qeyd edək ki, Müstəqil Azərbaycanın ilk Konstitusiyası 1995-ci il noyabrın 12-də ümumxalq referendumu əsasında qəbul edilib. 1996-cı il fevralın 6-da Prezident Heydər Əliyevin Sərəncamı ilə noyabrın 12-si Konstitusiya Günü elan olunub. 

Sərgi noyabr ayının 17-dək davam edəcək.