Xəbərlər

Noyabrın 27-də Azərbaycan Dövlət Neft və Sənaye Universitetində (ADNSU) ADNSU-nun Məzunlarla iş və Karyera Mərkəzin təşkilatçılığı ilə “Neft geologiyasının əsasları” mövzusunda infosessiya keçirilib. Tədbir geologiya sahəsində təcrübəli mütəxəssis Anar Süleymanov tərəfindən aparılıb.

Tədbirdə Anar Süleymanov iştirakçılara neft geologiyası elminin əsas prinsipləri, yataqların formalaşması, geoloji kəşfiyyat üsulları və müasir yanaşmalar haqqında ətraflı məlumat verib. Tələbələrin sualları cavablandırılıb və sahə üzrə praktiki biliklərin əhəmiyyəti vurğulanıb.

İnfosessiya tələbələr üçün həm nəzəri biliklərin, həm də peşəkar inkişaf imkanlarının genişləndirilməsi baxımından əhəmiyyətli olub.