×

Xəbərlər

Xəbərlər 28 Nov 2025
ADNSU-nun rektoru I kurs SABAH qruplarının tələbələri ilə görüşüb

Noyabrın 28-də Azərbaycan Dövlət Neft və Sənaye Universitetinin rektoru, dosent Rüfət Əzizov SABAH qruplarının I kurs tələbələri ilə görüş keçirib. 
Tələbələrlə görüşdə rektor SABAH qruplarının yenilənmiş konsepsiyası, tətbiq edilən müasir tədris yanaşmaları, həmçinin proqramın tələbələr üçün yaratdığı akademik və inkişaf üstünlükləri barədə ətraflı məlumat verib. Bildirib ki, bu üstünlük tələbələrin gələcək karyera imkanlarında mühüm rol oynayacağını deyib.
Görüş zamanı SABAH-ın yeni modelinə daxil olan praktik yönümlü dərs məzmunu, kompetensiyaya əsaslanan tədris strukturu, fənlərin yenilənməsi, şəffaf müəllim seçimi mexanizmi, eləcə də performans qiymətləndirilməsi və keyfiyyət təminatı sistemlərinin tətbiqi vurğulanıb. 
Sonda tələbələri maraqlandıran suallar cavablandırılıb. 
Qeyd edək ki, SABAH-ın yenilənmiş modeli tələbələrin peşəkar hazırlığını gücləndirməyi, ədalətli və şəffaf tədris mühitini təmin etməyi, həmçinin bazar tələblərinə uyğun kompetensiyaların formalaşdırılmasını hədəfləyir.


Paylaş