×

Xəbərlər

Xəbərlər 30 Nov 2025
ADNSU və UFAZ tələbələri üçün “Qabaqcıl süni intellekt və maşın öyrənmə tətbiqləri” hakatonu keçirilir

29–30 noyabr tarixlərində Azərbaycan Dövlət Neft və Sənaye Universitetinin (ADNSU) nəzdində fəaliyyət göstərən Azərbaycan-Fransız Universitetində (UFAZ) “Qabaqcıl süni intellekt və maşın öyrənmə tətbiqləri” hakatonu keçirilir.

İnnovasiya və Rəqəmsal İnkişaf Agentliyi (İRİA) və ADNSU-nun “Startup və TTO” şöbəsinin təşkilatçılığı ilə həyata keçirilən hakaton ADNSU və UFAZ tələbələri üçün təşkil olunub. Yarışmada iştirak edən komandalar təcrübəli mentorların dəstəyi ilə öz layihələrini inkişaf etdirirlər. Yekunda komandalar layihələrini münsiflərə təqdim edəcək və onlar tərəfindən qiymətləndiriləcək.

Qeyd edək ki, qalib komandalar müvafiq olaraq 2500 AZN, 1500 AZN və 1000 AZN məbləğində mükafatlar qazanacaqlar.


Paylaş