Xəbərlər

Azərbaycan Dövlət Neft və Sənaye Universitetində (ADNSU) universitetdə keçirilən tədbirlərin təşkilində və təhlükəsizliyin təmin olunmasında fəal iştirakına görə “Gesko” ASC mühafizə xidmətinin əməkdaşlarının təltifetmə mərasimi keçirilib.

Tədbirdə ADNSU-nun professor-müəllim heyəti, tələbələr iştirak ediblər. ADNSU-nun ümumi işlər üzrə prorektoru Elnur İsmayılov çıxış edərək mühafizə xidmətinin fəaliyyətinin əhəmiyyətindən danışıb. O, insan təhlükəsizliyinin təmin edilməsinin vacibliyini vurğulayaraq, mühafizə əməkdaşlarının universitetdə təhlükəsiz və nizam-intizamlı mühitin formalaşdırılmasında mühüm rol oynadığını qeyd edib.

Çıxışlardan sonra “Gesko” ASC mühafizə xidmətinin əməkdaşları göstərdikləri uğurlu fəaliyyətə görə təltif olunublar. Onlara təşəkkürnamələr təqdim edilib və gələcək fəaliyyətlərində uğurlar arzulanıb.